ووٹ نوں جعلی عزت دین والیاں نے سر عام ووٹ دی تذلیل کیتی،عثمان بزدار
حیدرآباد ٹاؤن(پنجابی میڈیا گروپ)وزیراعلی پنجاب سردار عثمان بزدار نے آکھیا کہ اسلام آباد سینیٹ الیکشن وچ ووٹ نوں جعلی عزت دین والیاں نے سر عام ووٹ دی تذلیل کیتی۔جمعرات دے روزجاری اپنے اک بیان وچ وزیراعلی پنجاب داآکھنا سی کہ ووٹ نہیں نوٹ دی جت ہوئی اے۔ اسلام آباد سینیٹ چنا وچ جوکجھ وی ہویا ایہدے اتے ہر جمہوریت پسند شرمندہ اے۔ پی ڈی ایم نے بولیاں لگا کے جمہوری اقدار دا جنازہ کڈیا -وزیراعلیٰ عثمان بزدار ہوراںنے آکھیاکہ گھناؤنا کھیل کھیل کے اخلا قی، سیاسی تے جمہوری روایا ت نوں پامال کیتا گیا۔ضمیراں دا سودا کرن والیاں نے ہر جمہوری اصول نوں پیراں ہیٹاں روندیا اے۔ وزیراعلیٰ ہوراں نے مزیدآکھیا اے کہ ایہہ عبدالحفیظ شیخ دی نہیں بلکہ جمہوری سوچ رکھن والے ہر سیاستدان دی ہار اے۔
Load/Hide Comments





















