یوسف رضا گیلانی دی کامیابی عوام دی ترجمانی اے: حمزہ شہباز
لہور(پنجابی میڈیا گروپ)مسلم لیگ نون دے رہنما تے پنجاب اسمبلی وچ قائدِ حزبِ اختلاف حمزہ شہباز شریف آکھدے نیں کہ سینیٹ الیکشن وچ یوسف رضا گیلانی دی کامیابی عوام دی ترجمانی اے۔لہور دی احتساب عدالت دے بار مسلم لیگ ن دے رہنما تے پنجاب اسمبلی وچ قائدِ حزبِ اختلاف حمزہ شہباز شریف نے میڈیا دے نال گل بات کردیاں ہویاں آکھیا اے کہ کل سینیٹ چنا وچ پی ڈی ایم جماعتاں نے کامیابی حاصل کیتی اے۔ پر کل دا فیصلہ عوامی نمائندیاں دا فیصلہ اے۔ اپوزیشن لیڈر پنجاب اسمبلی تے سینئر رہنما مسلم لیگ ن حمزہ شہبازہوراں نے مزیدآکھیا اے کہ جدوں عوامی فلاح وبہبود لئی کجھ نہیں کرو گے تے اینج دے فیصلے تے آن گے۔ اوہناں نے مزیدآکھیا اے کہ مسلم لیگ ن دے دور دے مقابلے وچ اج مہنگائی وچ زمین وآسمان دا فرق اے۔ سینیٹ چنا لئی قومی اسمبلی دے ممبران نے اپنے ضمیر دے مطابق فیصلہ کیتا اے۔
Load/Hide Comments





















