اپوزیشن نے ارباں روپے لا کے وی اپنا منہ کالا کرلیا اے، فیاض چوہان

لہور(پنجابی میڈیا گروپ)وزیر جیل خانہ جات پنجاب فیاض الحسن چوہان نے آکھیا اے کہ اپوزیشن دا ووٹ نوں عزت دیو توں نوٹ نوں عزت دیو تیک دا شرمناک سفر پورا ہویا۔لہور توں جاری کیتے گئے اپنے بیان وچ فیاض الحسن چوہان نے آکھیا کہ وزیراعظم عمران خان دا پارلیمنٹ توں اعتماد دا ووٹ لین دا اعلان اعلی پارلیمانی اقدار دا مظہر اے۔صوبائی وزیر فیاض الحسن چوہان نے مزیدآکھیا اے کہ اینج دا فیصلہ صرف وزیراعظم عمران خان ورغا جرات مند ای کر سکدا سی۔ اوہناں نے مزیدآکھیا اے کہ اپوزیشن نے اپنے کالے دھن دے نال ارباں روپے لگا کے وی اپنا مونہہ کالا کرلیا اے۔ فیاض الحسن چوہان ہوراں نے آکھیا کہ نوٹاں دے ڈھیرتوں محض دو سیٹاں زیادہ جت کے اپوزیشن کوئی وڈا انقلاب نہیں لے آئی۔

اپنا تبصرہ گھلو