یوسف رضا گیلانی دی فتح نوٹاں نال جڑی اے، فردوس عاشق

لہور(پنجابی میڈیا گروپ)وزیراعلی پنجاب دی معاون خصوصی فردوس عاشق اعوان داآکھنا اے کہ الیکشن وچ امیدوار پی ڈی ایم جتیا اے پر نظریہ عمران خان دا جتیا اے۔ سینیٹ چنا وچ یوسف رضا گیلانی دی فتح نوٹ تے چوربازاری دے نال جڑی اے، تفصیلات دے مطابق فردوس عاشق اعوان نے پریس کانفرنس دے دوران آکھیا اے کہ افسوس اے کہ ملک وچ نوٹ دی سیاست جت گئی۔ وقتی طور تے ایہناں دا امیدوار جتیا پر نظریہ وزیراعظم عمران خان دا جتیا اے۔ اج ایہہ سارے اکٹھے ہو کے عمران خان نوں للکار رہے نیں۔ ایہناں طریقہ واردات آئوندا اے۔ کل الیکشن کمیشن فیل ہوگیا۔ فردوس عاشق اعوان ہوراں نے آکھیا اے کہ ووٹ دی سیاست بیٹھ گیء۔ کل دے ایس گھنائونے کھیل نے عمران خان دے بیانیے نوں تقویت دتی اے۔ فردوس عاشق نے مزیدآکھیا اے کہ پاکستان تحریک انصاف (پی ٹی آئی) ہر طرح دے چیلنجز دے نال نبرد آزما ہون لئی تیار اے۔