نجی سکولاں نوں لتی ہوئی ودھ فیس واپس کرن دا حکم
لہور (پنجابی میڈیا گروپ) ڈسٹرکٹ ایجوکیشن اتھارٹیز نے لہور سنے صوبے بھر دے بعض نجی سکولاں دے مالکان ولوں زیر تعلیم طلباء وطالبات کولوں مقررہ شرح توں تن فیصد زائد فیس دی وصولی دا نوٹس لیندیاں ہویاں وصول کیتی گئی اضافی فیس واپس کرن دا حکم دتا اے۔ ڈسٹرکٹ ایجوکیشن اتھارٹی دے مطابق سارے نجی سکولاں نوں بالاں کولوں 5 فیصد اضافے دے نال فیس دی وصول دے احکامات جاری کر رکھے نیں پر بعض سکولاں نے طلباء و طالبات کولوں 8 فیصد اضافے دے نال فیساں وصول کررکھیاں نیں۔
