عمران خان دی حکومت نوں ہن کوئی نہیں بچا سکدا: بلاول بھٹو زرداری

اسلام آباد( پنجابی میڈیا گروپ) چیئرمین پیپلزپارٹی بلاول بھٹو زرداری دا کہنا اے بہت دیر ہو گئی ایس حکومت نوں ہن کوئی نہیں بچا سکدا۔ بلاول بھٹو زرداری دا کہنا اے اسیں عمران خان دے چیلنج نوں تسلیم کیتا، عمران خان نے آکھیا سی کہ اسلام آباد توں سینیٹ دی نشست ہار گئے تے اسمبلیاں تحلیل کر دیاں گا پر عمران کان ڈردے نیں تے خائف نیں کہ ایوان توں اعتماد دا ووٹ لینا اک تماشا اے۔ بلاول نے آکھیا بہت دیر ہو گئی ایس حکومت نوں ہن کوئی نہیں بچا سکدا، اسیں ثابت کر دتا تہاڈے ممبران دا تہاڈے تے اعتماد نہیں پر اسیں تہانوں دساں گے کہ عدم اعتماد کدوں تے کتھے ہووے گا۔ اوہناں دا کہنا سی مینوں اک اک ووٹ تے ایم این اے دا پتہ اے جہڑے بیٹھے تہاڈے نال تے دل ساڈے نیں، مینوں پتہ اے کیہنے بغض حفیظ شیخ تے بغض عمران خان وچ ووٹ دتا۔ بلاول دا کہنا سی اسیں تہاڈا پچھا نہیں چھڈاں گے، ساریاں جماعتاں نال اج توں رابطیاں دا آغاز کیا جائے گا جد کہ یوسف رضا گیلانی ساڈے چیئرمین سینیٹ دے امیدوار ہون گے جد کہ پی ڈی ایم اتفاق رائے نال فیصلے کردی اے تے مستقبل وچ وی فیصلہ اتفاق رائے نال ہووے گا۔

اپنا تبصرہ گھلو