وزیراعظم دے خلاف تحریک عدم اعتماد پیش نہیں کراں گے، پی ڈی ایم دا فیصلہ

اسلام آباد( پنجابی میڈیا گروپ) پی ڈی ایم نے وزیراعظم عمران خان دے خلاف تحریک عدم اعتماد پیش نہ کرن دا اصولی فیصلہ کر لیا اے۔ ذرائع دے مطابق ایہ اہم فیصلہ پی ڈی ایم سربراہ مولانا فضل الرحمان تے سابق صدر آصف زرداری وچکار ملاقات وچ کیتا گیا۔ ایہ ملاقات پچھلے دیہاڑ زرداری ہاؤس وچ ہوئی سی۔ ذرائع دے مطابق مولانا فضل الرحمان دا سابق وزیراعظم نوازشریف نال وی ٹیلی فونک رابطہ کیتا۔ ایس گل دے دوران وی فیصلہ کیتا گیا کہ پی ڈی ایم وزیراعظم دے اعتماد دا ووٹ لین دے عمل دا وی حصہ نہیں بنے گی۔ فیصلیاں دی حتمی منظوری اگلے ہفتے پی ڈی ایم دے سربراہی اجلاس توں لئی جائے گی۔ خیال رہے وزیراعظم عمران خان نے عدم اعتماد دا ووٹ لین دا فیصلہ کر لیا اے۔ ہفتے دے دیہاڑ ہون والے قومی اسمبلی دے اجلاس وچ ایہ کاروائی مکمل کیتی جائے گی۔