اک پاسے انصاف اے، دوجے پاسے بیوپاری، ہن فیصلہ ہووے گا: فواد چودھری

اسلام آباد( پنجابی میڈیا گروپ) وفاقی وزیر سائنس و ٹیکنالوجی فواد چودھری دا کہنا اے اپوزیشن وچ ہوو تے حکومت وچ آؤن لئی خوب پیسے لاؤ، جدوں حکومت وچ آؤ تے فیر خوب پیسے کماؤ۔ سماجی رابطے دی سائٹ ٹویٹر تے جاری اپنے بیان وچ فواد چودھری نے آکھیا اجہی سیاست توں پاکستان نوں ڈاہڈا نقصان اپڑیا اے، عمران خان ایس دائرے نوں توڑ کر رہوے گا۔ تقسیم واضح اے اک پاسے انصاف اے دوجے پاسے بیوپاری، ہن فیصلہ ہووے گا۔ اوہناں دا کہنا سی عمران خان نے اعتماد دے ووٹ دا فیصلہ کرکے وڈا چیلنج دتا اے، چوہیاں دی طرح حکومت نہیں کراں گے۔ اپوزیشن ہن اپنی اکثریت ثابت کرے، نہیں تاں الیکشن خریدن دا جرم قبول کرن۔