کپتان نے عوام دااعتماد حاصل کرلیا اے: فردوس عاشق اعوان
لہور (پنجابی میڈیا گروپ) وزیر اعلیٰ پنجاب دی معاون خصوصی فردوس عاشق اعوان نے آکھیا اے کہ قوم دے نال خطاب وچ کپتان نے عوام دااعتماد حاصل کرلیا۔پیسے دے زور اتے سینیٹ د اک سیٹ جتن والا کرپٹ ٹولہ تحریک عدم اعتماد دے نال وزیر اعظم نوں بلیک میل کرنا چاہندا سی۔ جمعہ دے روز سماجی رابطے دی ویب سائٹ تے ٹویٹ کردیاں ہویاں فردوس عاشق اعوان نے آکھیا کہ جدوں جدوںمخالفین نے عمران خان نوں ٹف ٹائم دین دی کوشش کیتی، کپتان ڈٹ کے پہلاں توں زیادہ طاقت دے نال ساہمنے آیا اے۔ کپتان نے حقیقی جمہوری روایت دی پاسداری کردیاں ہویاں خود اسمبلی توں اعتماد داووٹ لین دا فیصلہ کیتا اے۔ معاون خصوصی فردوس عاشق اعوان دا مزیدآکھنا سی کہ ہوس اقتدار توں آزاد’ سچا، نڈر تے بہادر لیڈر روایتی کرپٹ سیاستداناں نوں کسی طور قبول نہیں، لیکن تحریک انصاف وزیراعظم عمران خان دی قیادت وچ خدمت دے مقصد دے نال اپنا مشن جار ی رکھے گی۔





















