نویے الیکشن ول جانا چاہیدا اے: عظمی بخاری
لہور(پنجابی میڈیا گروپ)رہنما مسلم لیگ ن عظمی بخاری داآکھنا اے کہ نئے الیکشن دی طرف جانا چاہیدا اے‘ موجودہ سسٹم نہیں چل سکدا۔تفصیلات دے مطابق مسلم لیگ ن پنجاب دی ترجمان عظمیٰ بخاری ہوراں نے میڈیا دے نال گل بات کردیاں ہویاں آکھیا اے کہ سینیٹ دے چنا دے اعلان دے بعد سرکار نے ترقیاتی فنڈز ارکان وچ ونڈے‘ عمرا ن خان صاحب نے ترقیاتی فنڈ ز نوں سیاسی رشوت دے طور تے استعمال کیتا۔ عظمیٰ بخاری ہوراں نے مزیدآکھیا اے کہ میں تے عطاء اللہ تارڑ سپریم کورٹ وچ دٹ دائر کراں گے ‘ میرے کول ایہناں دے خلاف مکمل ثبوت موجود نیں۔ عمران خان دے جھوٹھ اتے الیکشن کمیشن وچ وی جاواں گے۔ اوہناں نے مزیدآکھیا اے کہ جے سانوں سپریم کورٹ جاناں پیا تے اوتھے وی جاواں گے۔ عظمیٰ بخاری داآکھنا سی کہ ایہناں دے خلاف عدم اعتماد ہو چکیا پر ہنی تیک اقتدار دے نال چپکے ہوئے نیں۔ پنجاب وچ عدم اعتماد لے آن لئی ہنی پی ڈی ایم دا فیصلہ ہونا اے۔





















