وزیراعظم نے اک آئینی ادارے دی توہین کیتی، شیری رحمن

اسلام آباد(پنجابی میڈیا گروپ) پیپلز پارٹی دی نو منتخب سینیٹر شیری رحمن نے آکھیا اے کہ وزیراعظم نے اک آئینی ادارے دی توہین کیتی۔ الیکشن کمیشن اتے مجرماں نوں بچان تے جمہوریت نوں نقصان پہنچان دے الزام لگائے نیں۔ وزیراعظم عمران خان دی طرفوں ایس طرحاں دے بیانات قابل تشویش نیں۔ شیری رحمن نے اپنے بیان وچ آکھیا اے کہ وزیراعظم اپنے ارکان نوں قابو کرن۔ اداریاں نوں متنازع نہ بنان۔ ڈسکہ چنا دے بعد سرکار دے کول الیکشن کمیشن اتے انگلی چکن دا اخلاقی جواز نہیں بچیا۔وزیراعظم عمران خان نوں الیکشن کمیشن دے آئینی ادارے دی توہین زیب نہیں دیندی، سرکار دے سربراہ دی طرفوں توہین آمیز بیانات نہیں آنے چاہیدے۔شیری رحمن نے ایہوی وی آکھیا کہ ڈسکہ الیکشن دے بعد سرکار دے کول الیکشن کمیشن اتے انگلی چکن دا اخلاقی جواز نہیں۔ صدر اعتماد دے ووٹ لئی اجلاس اودھوں بلاندا اے جدوں اینج لگے کہ وزیراعظم اعتماد کھو چکے نیں۔ شیری رحمن ہوراں نے مزیدآکھیا اے کہ وریراعظم عمران خان صدرمملکت پاکستان دا اختیار استعمال نہ کرن۔ ملک نوں آئین دے مطابق چلائواپنی مرضی دے نال نہیں۔

اپنا تبصرہ گھلو