حکومت نوں اِٹ داجواب پتھر نال دینا جاندے آں، مولانا فضل الرحمان

اسلام آباد( پنجابی میڈیا گروپ) پی ڈی ایم دے سربراہ مولانا فضل الرحمان ہوراں آکھیا کہ حکومت نوں اِٹ دا جواب پتھر نال دینا جاندے آں، تہانوں گلی محلیاں وچ چلن پھرن لئی وی جگہ نہیں ملے گی۔
سکھر وچ پریس کانفرنس کردیاں پی ڈی ایم دے سربراہ مولانا فضل الرحمان ہوراں آکھیا کہ صدر مملکت نے جعلی وزیراعظم دی سمری اُتے ایوان دا جعلی اجلاس بلایا، عمران خان نے عدم اعتماد توں بعد فیر وی اعتماد لین دی گل کیتی اے، ساری رات ممبراں دے دروازے کھٹکھٹا کے حاضری لائی گئی، ساہنوں پتہ اے کہ ہر ممبر دی نگرانی ایجنسی نے کیتی اے تے کس طریقے نال اوہناںتوںزبردستی ووٹ لیتا گیا اے، وزیراعظم نوں کرپٹ ارکاناں دا ووٹ لیندیاںشرم نہیں آئی، اوہناں دی2018دی اکثریت وی جعلی سی لیکنہن وی جعلی اے، اسیں نہ اج دے اجلاس نوں تسلیم کردے تے نہ ہی اعتماد دے ووٹ نوں۔

اپنا تبصرہ گھلو