قرآن کریم ساہنوں عورتاں دے وراثتی حقوق دین دی تعلیم دیندا اے:صدر مملکت

اسلام آباد (پنجابی میڈیا گروپ )صدر مملکت عارف علوی نے آکھیا اے کہ اسلام نے خواتین نوں بوہت حقوق دتے نیں۔ قرآن کریم سانوں خواتین دے وراثتی حقوق دین دی تعلیم دیندا اے۔مسلماناں دی ثقافت انتہائی سنہری اے پر علاقائی ثقافت نے وراثت دے معاملے نوں خراب کیتا مالی خود انحصار دے بغیر آزاد ی مشکل اے۔ خواتین نوں وراثت وچ جائیداد ملے گی تاں ای ایہہ مضبوط ہون گیاں۔ اسلام آباد وچ خواتین دے عالمی دیہاڑ دے حوالے توں منعقدہ اک اکٹھ دے نال خطاب کردیاں ہویاں صدرمملکت ڈاکٹر عارف علوی ہوراں نے آکھیا اے کہ پاکستان وچ جدوں خواتین اپنے حقوق دی گل کردیاں نیں تے کدی کدی ایہناں اتے لیبل لگا دتا جاندا اے کہ اوہ مغربی عورت دی طرحاں مکمل آزادی دی گل کررہیاں نیں۔ ڈاکٹر عارف علوی ہوراں نے مزیدآکھیا اے کہ ثقافت نے مذہبی قوانین دی وی نفی کردتی اے۔

اپنا تبصرہ گھلو