کوشش اے کہ غریب عوام اُتے مہنگائی دا بوجھ گھٹ کیتا جائے، عمران خان
اسلام آباد(پنجابی میڈیا گروپ) وزیرِ اعظم عمران خان نے آکھیا اے کہ سرکار نوں ملکی معاشی حالات دے باعث غریب افراد اتے پین والے بوجھ دا مکمل احساس اے،ساڈی ہرممکنہ کوشش اے کہ غریب عوام اتے مہنگائی دا بوجھ گٹھ کیتا جاوے۔ وزیرِ اعظم عمران خان دی زیر صدارت معاشرے دے مستحق تے غریب افرادنوں غذا تے دیگر اشیاء ضروریہ دی خریداری وچ سرکار ولوں براہ راست سبسڈی دی فراہمی دے حوالے کے ٰنال اجلاس منعقد ہویا۔ اجلا س وچ وزیرِ خزانہ ڈاکٹر عبدالحفیظ شیخ، وزیرِ صنعت محمد حماد اظہر، مشیر ڈاکٹر عشرت حسین، معاون خصوصی ڈاکٹر وقار مسعود ، ڈاکٹر ثانیہ نشتر، گورنر سٹیٹ بنک ڈاکٹر رضا باقر، متعلقہ وزارتاں دے سیکرٹری صاحبان و دیگر سینئر افسران شریک ہوئے ۔وزیرِ اعظم نوں مجوزہ احساس فوڈ سٹیمپ پروگرام اتے تفصیلی بریفنگ دتی گئی ۔ معاون خصوصی برائے سماجی تحفظ ڈاکٹر ثانیہ نشتر نے وزیر اعظم نوں مجوزہ پروگرام دے خدو خال تے طریقہ کار دے حوالے دے نال بریفنگ دتی۔ایس پروگرام دے تحت مستحق افراد نوں اشیائے ضروریہ دی خریداری وچ سرکار ولوں براہ راست سبسڈی فراہم کیتی جاوے گی۔





















