عورتاں نوں بااختیاربنانا ساڈا منشور اے‘ بلاول بھٹو
اسلام آباد (پنجابی میڈیا گروپ) پاکستان پیپلز پارٹی دے چیئرمین بلاول بھٹو زرداری نے خواتین دے عالمی دن اتے اپنے پیغام وچ آکھیا اے کہ صنفی مساوات تے خواتین نوں بااختیاربنانا ساڈا منشور اے تے ایہہ شہید بے نظیر بھٹو دا خواب وی سی ایس خواب نوں حقیقت بنان لئی پارٹی قیادت خواہ ہر جیالا سرگرم عمل اے۔ پوری دنیا وچ سیاسی‘ معاشی تے معاشرتی سطح اتے وڈی وڈی تبدیلیاں رونما ہو رہیاں نیں ۔ ایہہ واضح اے کہ ایہہ صدی خواتین دی پیش قدمی دی صدی ثابت ہووے گی۔ ہن جہڑا قوم خواتین نوں برابری نہیں دیوے گی۔ چیئرمین پیپلزپارٹی بلاول بھٹو ہوراں نے آکھیا کہ ساڈی جماعت سرکار وچ ہووے یا میدان جدوجہد وچ‘ صنفی مساوات تے خواتین نوں خود مختار بنان لئی ٹھوس اقدام چکے نیں۔ پی پی پی سرکار نے غربت دے خاتمہ لئی بینظیر انکم سپورٹ پروگرام ورغا میگا رول ماڈل پروگرام دتا ایہہ قابل فخر اے ۔





















