بتی 89پیسے فی یونٹ ودھان دی منظوری

اسلام آباد( پنجابی میڈیا گروپ) نیشنل الیکٹرک پاور ریگولیٹری اتھارٹی نے بتی دی قیمت وچ 89پیسے فی یونٹ ودھان دی منظوری دے دتی۔
میڈیا دے مطابق نیپرا اتھارٹی نے بتی وچ ودھان بارے سینٹرل پاور اُتے درخواست25فروری نوں عوامی سماعت کیتی سی، سی سی پی اے نے جنوری دے ماہانہ فیول چارجز ایڈجسٹمنٹ دی مد وچ بتی دے ریٹ وچ 92پیسے فی یونٹ ودھان دیدرخواست کیتی سی۔ نیپرا نے سماعت مکمل کرکے ایس حوالے نال فیصلہ محفوظ کرلیا سی۔
نیپرا نے بتی دی قیمت وچ89پیسے فی یونٹ ودھان دی منظوری دے دتی اے۔ جس دا صارفین اُتے6ارب90کروڑ روپیدا ہور بھار پئے گا۔ ایس دا اطلاق صرف مارچ دے مہینے دے بلاں اُتے ہوئے گا لیکن لائف لائن تے کے الیکٹرک صارفین اُتے ایس دا اطلاق نہیں ہوئے گا۔

اپنا تبصرہ گھلو