مریم نواز تے بلاول جمہوریت توں چنگاانتقام لے رہے نیں: شبلی فراز
اسلام آباد( پنجابی میڈیا گروپ)سینیٹر شبلی فراز نے آکھیا اے کہ نوازشریف اگر ووٹ دی عزت اتے یقین رکھدے تے پاکستان وچ ہوندے۔ مریم نواز تے بلاول جمہوریت توں چنگاانتقام لے رہے نیں۔تفصیلات دے مطابق وفاقی وزیر اطلاعات و سینیٹر شبلی فراز نے سماجی رابطے دی ویب سائٹ تے ٹویٹ کردیاں ہویاں آکھیا کہ مولانا فضل الرحمان اپنے برخودار نور چشمی نوں اپنی گدی لئی تیار کر رہے نیں۔ وزیراعظم قوم نوں لٹن تے موروثی سیاست کرن والیاں دے رستے دی سبھ توں وڈی دیوار بن گئے نیں۔موروثی سیاست کرن والے اپنے بالاں نوں قوم اتے مسلط کرن دے در پے نیں۔ عوام ایہناں دے نئے دھوکے وچ نہیں آن گے۔ شبلی فراز داآکھنا سی کہ ایہہ چاہندے نیں کہ لٹ مار دا ایہہ کاروبار ایسی طرحاں جاری روے۔ قوم نے فیصلہ کرنا اے کہ کرپشن دی ایس فرنچائز دا خاتمہ کرنا اے یا ایہناں لٹن دا لائسنس دیئے رکھنا اے۔ اپوزیشن پیسے دے نال لوکائی دے ضمیر خریدن دی کوشش کردے نیں۔ فیر ایہہ لوکائی جمہوریت دے پچھے چھپ جاندے نیں۔





















