وزیراعلی عثمان بزدار نوں پی ٹی آئی دا مکمل اعتماد حاصل اے: فردوس عاشق
لہور(پنجابی میڈیا گروپ)فردوس عاش اعوان نے آکھیا اے کہ وزیراعلی عثمان بزدار نوں وزیراعظم تے پی ٹی آئی دا مکمل اعتماد حاصل اے۔ 2023 تیک عثمان بزدار ای وزیراعلی پنجاب رہین گے۔معاون خصوصی ڈاکٹر فردوس عاشق اعوان نے اپنے ٹویٹ وچ آکھیا کہ ایماندار وزیراعلی عثمان بزدار کرپٹ اپوزیشن نوں ہر ویلے کھٹکدے نیں ‘ عدم اعتماد بچونگڑا پارٹی دا کھیڈ نہیں، اپوزیشن دے غبارے توں پہلاں دی طرحاں فیر ہوا نکلے گی۔ ڈاکٹر فردوس عاشق اعوان نے آکھیا کہ چیئرمین سینیٹ صادق سنجرانی نے ایوان نوں چنگے انداز وچ چلا کے سینیٹرز دا اعتماد حاصل کیتا‘ ایہناں دے غیرجابندار رویے تے چنگے ا خلاق دی بدولت سینیٹرز ایہناں چیئرمین منتخب کروانا چاہندے نیں‘ آزاد ارکان دی بدولت سرکار دا پلڑیا بھاری اے۔فردوس عاشق ہوراں نے مزیدآکھیا اے کہ صادق سنجرانی ای چیئرمین سینیٹ منتخب ہون گے۔
Load/Hide Comments





















