ماسک دے بغیر کوئی ملازم ڈیوٹی نہ کرے، آئی جی پنجاب
لہور(پنجابی میڈیا گروپ)پنجاب دے شہر سرگودھا وچ کورونا مریضاں وچ مسلسل اضافے دے سبب 6 علاقیاں وچ لاک ڈائون کردتا گیا، ملتان دے ضلع بھر وچ وی 15 روزہ لاک ڈاون کیتا گیا اے، آئی جی پنجاب انعام غنی نے آکھیا کہ ماسک وردی دا حصہ اے۔ بغیر ماسک کوئی اہلکار ڈیوٹی نہ کرے۔ ترجمان ضلعی انتظامیہ ملتان دے مطابق 28 مارچ تیک تعلیمی ادارے، شادی ہالز، پارکس، سنیما، تھیٹرز تے درگاہاں بند رہیا گیاں، گوشت، سبزی، پھل، کریانہ اسٹور صبح 7 توں رات 9 وجے تیک کھلے رہین گے۔ضلعی انتظامیہ نے آکھیا اے کہ لاک ڈاون وچ سارے تجارتی مراکز نوں شام 6 وجے بند کر دتا جاوے گا، میڈیکل اسٹور، کلینکس، اسپتال، پیٹرول پمپس تے بیکری 24 گھنٹے کھلی روے گی۔ترجمان نے دسیا کہ ریسٹورنٹ وچ بیٹھ کے کھان پین اتے پابندی ہووے گی۔
Load/Hide Comments





















