ایہ اپنے کالے کرتوتاں دی سیاہی سُٹ رہے نیں: شہباز گل

لہور( پنجابی میڈیا گروپ)شہباز گل نے آکھیا اے ایہ اپنے کالے کرتوتاں دی سیاہی سُٹ رہے نیں، بوکھلائی اپوزیشن اوچھے ہتھکنڈیاں تے اتر آئی، ایہ کجھ وی کر لین موقف توں اک انچ پچھے نہیں ہٹاں گا، اک چپیڑ دے جواب وچ دس چپیڑاں نہیں ماراں گے، گالھ دا جواب گالھ نال نہیں دیاں گے۔ معاون خصوصی شہباز گل نے میڈیا نال گل کردیاں آکھیا مریم نواز نوں دس دیو کہ میں کسے توں ڈرن والا نہیں، تہاڈے کارکناں نوں سمجھاواں گے، خاندانی لوک آں، اجہی حرکت دا جواب ایس طرح نہیں دیاں گے، مینوں عدالت بلائے گی تے ضرور آواں گا، تہاڈے طرح بہانے نہیں بناواں گا، عدالتاں جدوں ایہناں نوں بلاندی اے تے ایہناں دی لَک وچ پیڑ شروع ہو جاندی اے۔ شہباز گل دا کہنا سی عدالت وچ ایف آئی اے دی مصدقہ دستاویزات دیو، مصدقہ دستاویزات دی بنیاد تے میں مقدمہ درج کرایا، قنون تے عدالتاں دا ہر صورت احترام کراں گے۔

اپنا تبصرہ گھلو