کنیریا نوں مذہب دی وجہ توں ٹیم وچ امتیازی سلوک دا نشانہ بنایا گیا: شعیب اختر
راچی: پاکستان دے سابق فاسٹ بولر شعیب اختر نے دعویٰ کیتا اے لیگ سپنر دانش کنیریا نوں ہندو مذہب دی وجہ توں ٹیم وچ امتیازی سلوک دا نشانہ بنایا جاندا سی۔ اوہناں نے اک پروگرام وچ گل بات دے دوران آکھیا کئی کھڈاری ایسے وجہ توں کنیریا دے نال کھانا نہیں کاھندے سن، میں ہمیشہ ای اوہناں نوں انج کرن توں منع کردا سی، بہت سارے لوک ایسے وجہ توں دانش کنیریا دی ٹیم وچ موجودگی دے وی خلاف سن۔
سابق لیگ سپنر دانش کنیریا نے پاکستان ٹیم وچ اپنے نال ہون والے امتیازی سلوک بارے شعیب اختر دے دعوے دی تصدیق کر دتی۔ سابق فاسٹ بولر شعیب اختر نے اک ٹی وی پروگرام وچ آکھیا سی ہندو مزہب دی وجہ توں دانش کنیریا نوں ٹیم وچ امتیازی سلوک دا نشانہ بنایا جاندا سی، کجھ لوک ایسے وجہ توں اوہناں نوں ٹیم وچ نہیں ویکھنا چاہندے سن، کجھ ایہناں دے نال کھانا تک نہیں کھاندے سن۔
