مہنگائی اُتے چھیتی قابو پا لواں گے، فواد چوہدری
اسلام آباد (پنجابی میڈیا گروپ) وفاقی وزیر برائے سائنس و ٹیکنالوجی فواد چوہدری نے آکھیا اے کہ قرضیاں دا معاملہ حل ہو گیا، ہن مہنگائی اتے قابو پا لواں گے۔سانوں ورثے وچ بڑی مشکل معیشت ملی اے۔ اسیں پچھلی سرکاراں دے قرضے اتارے نیں۔ قرضے منیج ہو چکے نیں۔ ہن مہنگائی اتے قابو پان دا ویلا آگیا اے۔ اپنے اک بیان وچ وفاقی وزیر داآکھنا سی کہ کابینہ وچ ردوبدل وزیراعظم عمران خان جدوں چاہن کرسکدے نیں ۔دوجی اننگز وچ پرفارمنس چنگی کیتی جاوے گی۔ پارلیمانی کمیٹی بنن دے بعد آخری مرحلے وچ وزیراعظم شامل ہو جان گے۔ رواں ہفتے وزیراعظم عمران خان دی زیرصدارت وفاقی کابینہ دا اجلاس ہویااے جہدے وچ سیاسی معاشی تے پی ڈی ایم دے لانگ مارچ، انتخابی اصلاحات سنے طے شدہ ایجنڈے اتے گل بات کیتی گئی۔ کابینہ اجلاس وچ الیکشن کمیشن تے پی ڈ یایم اتے کڑی تنقید کیتی گئی اے۔ فواد چودھری ہوراں نے مزیدآکھیا اے کہ کابینہ ارکان نے رائے دتی کہ الیکشن کمیشن غیرجانبدار نہیں رہیا۔ الیکشن کمیشن نوں مستعفی ہو جانا چاہیدا اے۔ الیکشن کمیشن دا ڈسکہ تے سینیٹ چنا وچ کردار متنازعیہ رہیا۔اوہناں نے مزیدآکھیا اے کہ قرضیاں دا معاملہ حل ہو گیا، ہن مہنگائی اتے قابو پا لواں گے۔سانوں ورثے وچ بڑی مشکل معیشت ملی اے۔ اسیں پچھلی سرکاراں دے قرضے اتارے نیں۔ قرضے منیج ہو چکے نیں۔ ہن مہنگائی اتے قابو پان دا ویلا آگیا اے۔





















