لوڑ پین اُتے استعفے وی دیدیاں گے‘سید مراد علی شاہ
کراچی (پنجابی میڈیا گروپ ) وزیراعلیٰ سندھ سید مراد علی شاہ نے آکھیا اے کہ اسیں یوٹرن والے نہیں ایہہ کوئی ہور لیندا اے‘ جدوں لوڑ ہووے گی استعفے وی دیدیاں گے‘کراچی وچ میڈیا دے نال گل بات کردیاں ہویاں مراد علی شاہ نے آکھیا کہ پیپلزپارٹی دا موقف استعفیاں دے حوالے توں واضح اے۔ ساڈی پارٹی سمجھدی اے کہ استعفے دی جدوں لوڑ ہووے گی تے استعمال کراں گے۔ اسیں یوٹرن والے نہیں ایہہ کوئی ہور لیندا اے‘ جدوں لوڑ ہووے گی استعفے وی دیدیاں گے‘وزیراعلیٰ سندھ نے آکھیا اے کہ سندھ سرکار نوں ایس سال ہن تیک 80بلین روپے گٹھ ملے نیں۔ایہدی کمی دی وجہ توں سندھ وچ مسائل ہوئے نیں۔ وفاق 57 فیصد کلیکشن صوبیاں نوں جاندا اے ‘ ایس کلیکشن وچ وفاق ریکوری وچ نکام ہویا اے۔ اسیں چاہندے آں کہ وفاق صوبیاں نوں سیلز ٹیکس کلیکشن کرن دا اختیار دیوے۔ صوبیاںنے آئین وچ وفاق نوں ٹیکس دی کلیکشن دا اختیار دتا اے۔





















