عوام لئی بری خبر، نویں سال دے آغاز تے پٹرولیم مصنوعات دی قیمتاں وچ وادھے دا امکان

اسلام آباد: آئل اینڈ گیس ریگولیٹری اتھارٹی (اوگرا) نے پٹرولیم مصنوعات دی قیمتاں وچ 3روپے 10پیسے فی لیٹر تک وادھے دی سمری گھل دتی۔

پٹرولیم مصنوعات دی قیمتاں وچ وادھے دا حتمی فیصلہ وزارت خزانہ کرے گی جد کہ ایہدے تے اطلاق یکم جنوری 2020ء توں ہووے گا۔ اوگرا ولوں گھلی گئی سمری وچ لائٹ ڈیزل آئل دی قیمت وچ 2روپے 8پیسے فی لیٹر وادھے دی تجویز دتی گئی اے۔

ایہدے علاوہ مٹی دے تیل دی قیمت وچ 3روپے 10پیسے فی لیٹر، ہائی سپیڈ ڈیزل دی قیمت وچ 2روپے 25پیسے فی لیٹر تے پٹرول دی قیمت وچ 2روپے 61پیسے فی لیٹر وادھے دی تجویز دتی گئی اے۔