جج ویڈیو سکینڈل کیس: پرویز رشید ایف آئی اے دے ساہمنے پیش، بیان ریکارڈ کرا دتا
لہور: لیگی رہنما پرویز رشید نے جج ویڈیو سکینڈل کیس وچ لہور وچ ایف آئی اے دے دفتر وچ پیش ہو کے اپنا بیان ریکارڈ کرا دتا۔
ایس موقع تے سکیورٹی دے سخت انتظامات کیتے گئے۔ پرویز رشید نے میڈیا نال گل کردیاں آکھیا حکومت سیاسی مخالفاں نوں جیلاں وچ بند رکھن وچ نکام ہو گئی، ایف آئی اے نوں استعمال کیتا جا رہیا اے، میرے توں پہلاں دوجے ساتھیاں نوں ایف آئی اے طلب کیتا گیا، ایف آئی اے دا جو کم نہیں اوہ لین دی کوشش کیتی جا رہی اے، تسیں پاکستان نال کھلواڑ شروع کر دتا اے۔
لیگی رہنما دا کہنا سی اوہ بندہ جہڑا کہندا سی این آر او نہیں دیواں گا ہن اپنے دوستاں نوں این آر او دے رہیا اے، پیشی تے اجہے سوال پچھے گئے جہناں دا سر سی نہ پیر، پچھیا گیا پریس کانفرنس وچ کون لوک سن؟ ایہ پچھن بلایا؟ پریس کانفرنس وچ کون کون سی سب نوں پتہ اے۔
