ندیم بابر نوں عہدے توں ہٹانا نہیں بلکہ جیل وچ پانا چاہید اسی: مریم اورنگزیب
لہور( پنجابی میڈیا گروپ)مریم اورنگزیب ہوراں آکھیا کہ ایف آئی اے نے آکھیا اے کہ عمران خان، بزدار، جہانگیر ترین تے خسرو بختیار چینی چور نیں، تیل، دوایاں، بتی، گیس ایس وقت تک سستے نہیں ہونگے جد تک ملک اُتے مافیا مسلط رہے گا، ندیم بابر نوں عہدے توںہٹانا نہیں بلکہ جیل وچ پانا چاہیدا سی۔ترجمان مسلم لیگ ن مریم اورنگزیب نے میڈیا نال گل بات کر دیاں آکھیا کہ نااہل ٹولہ عوام نوں لُٹ رہیا اے، عمران خان دے دور وچ چینی120روپے کلو فروخت ہوئی، ن لیگ دی حکومت وچ چینی52روپے کلو فروخت ہو رہی سی، آکھدے نیں حمزہ شہباز دی وجہ نال چینی دی قیمت ودھی، العریبیہ تے رمضان شوگر ملاں توں اک روپیہ دی سبسڈی نہیں لیتی، حمزہ شہباز نے2ورھے ناجائزجیل کٹی، حکمران چینی انکوائری کمیشن رپورٹ اُتے عوام نال جھوٹ بول رہے نیں، رپورٹ وچ جناں لوکاں نوں ذمے دار ٹھہرایا گیا اوہ ملک اُتے مسلط نیں۔





















