کراچی وچ 6منزلہ رہائشی عمارت زمین بوس
کراچی: شہر قائد وچ 6منزلہ مخدوش رہائشی عمارت زمین بوس ہو گئی پر عمارت نوں کجھ گھنٹیاں پہلاں خالی کرائے جان دی وجہ توں کوئی جانی نقصان نہیں ہویا۔
کراچی دے علاقے ٹمبر مارکیٹ دے نیڑے رنچھوڑ لائن وچ 6منزلہ مخدوش عمارت زمین بوس ہو گئی۔ ٹیڑھی ہون دی وجہ توں مخدوش عمارت دے مکیناں نوں ویلے سر کڈھ لیا گیا سی جہدی وجہ توں کوئی جانی نقصان نہیں ہویا۔ عمارت دی بجلی تے گیس وی منقطع کیتی جا چکی سی۔
مخدوش عمارت 2004وچ تعمیر ہوئی سی جہدے وچ 24فلیٹ تے دکاناں سن۔ وزیراعلیٰ سندھ مراد علی شاہ نے عمارت ڈگن دا نوٹس لیندیاں کمشنر کراچی تے سندھ بلڈنگ کنٹرول اتھارٹی (ایس بی سی اے) توں رپورٹ طلب کر لئی۔
