پنجاب:ویاہ وچ اکٹھ اُتے پابندی پارک تے ہوٹل وی بند کرن دا اعلان
لہور( پنجابی میڈیا گروپ) پنجاب وچ یکم اپریل توں ان ڈور تے آئو ٹ ڈور ویاہ دی تقریب اُتے پابندی عائد کردتی گئی اے۔
میڈیادے مطابق وزیراعلی پنجاب عثمان بزدار دی زیرصدارت انسداد کورونا کابینہ کمیٹی دا اجلاس ہوئیا، جس وچ اہم فیصلے کیتے گئے، تے کورونا دی شدت دے پیش نظر سخت اقدامات کیتے جا رہے نیں
کابینہ کمیٹی نے این سی او سی دے فیصلیاں اُتے سختی نال عملدرآمد دے لائحہ عمل دی منظوری دے دتی، جس دے بعد صوبے بھر وچ مائیکرو سمارٹ لاک ڈان دی پالیسی اختیار کیتی جائے گی۔
فیصلے دے مطابق یکم اپریل توں ان ڈور تے آٹ ڈور شادیاں دی تقریباں اُتے پابندی عائد کردتی گئی اے، اجلاس وچ پارک تے ریسٹورنٹس بند کرن دا وی فیصلہ کیتا گیا جدکہ صرف ٹیک اوے دی اجازت ہوئے گی۔ صوبے وچ مذہبی، سیاسی، سماجی، تے ثقافتی اجتماع تے ہر طرح دیاں کھیڈاںاُتے وی پابندی عائد کیتی گئی اے، ماسک اُتے سختی نال پابندی ہوئے گی،تے ماسک نہ پہننے اُتے جرمانہ کیتا جائے گا، جد کہ ماسک نہ پہنن والے ڈرائیوراں دی گڈی بند کر دتی جائے گی، صوبے وچ مارکیٹاں دا ٹائم6وجے تک دا ہوئے گا، جدکہ انٹرا سٹی ٹرانسپورٹ بند کرن دا فیصلہ مشاورت توں بعد کیتا جائے گا۔





















