تابش گوہر وزیراعظم دے معاون خصوصی برائے پیٹرولیم مقرر
اسلام آباد( پنجابی میڈیا گروپ)) وزیراعظم عمران خان نے سابق چیئرمین دے الیکٹرک تابش گوہر ہوراں نوں معاون خصوصی برائے پیٹرولیم مقرر کردتا۔تابش گوہر نوں معاون خصوصی برائے پیٹرولیم دا اضافی چارج دین دا نوٹیفکیشن جاری کردتا گیا جس دے مطابق اوہ معاون خصوصی برائے پاور و پیٹرولیم ہون گے۔کابینہ ڈویژن نے ندیم بابر نوں معاون خصوصی دے عہدے توں ہٹان دا نوٹیفکیشن جاری کردتا۔تابش گوہر نوں پچھلے ورھے وی وزیراعظم دا معاون خصوصی برائے توانائی مقرر کیتا گیا سی لیکن فیر ایس سال جنوری وچ اوہ مستعفی ہوگئے سن۔ اوہ صرف2مہنیاں لئی معاون خصوصی رہے سن۔تابش گوہر7ورھے تک دے الیکٹرک وچ بطور سی ای او، ڈائریکٹر تے چیئرمین دے عہدے اُتے فائز رہے لیکن2015وچ اوہ مستعفی ہوگئے سن جس توں بعد وہ بجلی و توانائی دے شعبے وچ مشاورت تے معاونت دین دی اپنی کمپنی اوسیس دے بانی تے سربراہ نیں۔ کراچی وچ ودھدی ہوئی لوڈشیڈنگ اُتے کے الیکٹرک نوں شدید تنقید دا نشانہ بنایا جاندا رہیا اے۔





















