پی ڈی ایم قائم اے تے قائم رہے گی: شاہد خاقان عباسی
اسلام آباد( پنجابی میڈیا گروپ)شاہد خاقان عباسی ہوراں آکھیاکہ پی ڈی ایم قائم اے تے قائم رہے گی، نیب اپوزیشن نوں دبان لئی بنی سی تے اج وی اوہی کم کر رہی اے۔سابق وزیراعظم شاہد خاقان عباسی نے اسلام آباد وچ میڈیا نالگل بات کر دیاں آکھیا کہ سیاسی نظام نوں دبا ئو وچ لیایا جا رہیا اے، نیب دے اقدامات ملکی مفاد وچ نہیں، براڈ شیٹ سکینڈل دیاں فائلیاں غائب ہو رہیاں نیں ، کیمرے لا کے عدالتی کارروائی عوام نوں کیوں نہیں وکھاندے ؟ اوہناں آکھیا کہ مہنگائی ودھ رہی اے، بے روزگاری وی ودھ رہی اے، اسیں خیرات لے کے کورونا دا مقابلہ کر رہے نیں، کسی وی ملک وچ کورونا ویکسین ویچن دی اجازت نہیں، حکومت نے آپئی ویکسین نہیں خریدی، نجی شعبوں نوں ویکسین منگوان دی اجازت دے دتی۔
Load/Hide Comments





















