ٹک ٹاک بارے پشاور ہائی کورٹ دا اک ہور فیصلہ
پشاور (پنجابی میڈیا گروپ)پشاور ہائی کورٹ نے ویڈیو ایپ ٹک ٹاک توں پابندی ہٹان دا حکم دیندیاں ہویاں پاکستان ٹیلی کمیونیکیشن نوں ہدایت کیتی اے کہ اوہ غیر اخلاقی مواد روکن لئی اقدامات کرن۔ عدالت نے حکم دتا کہ ٹک ٹاک اتے غیر اخلاقی مواد اپلوڈ نہیں ہونا چاہیدا ے۔ چیف جسٹس قیصر رشید خان نے ڈی جی پاکستان ٹیلی کمیونیکیشن ( پی ٹی اے ) دے نال سوال کیتا ہن تیک کیہ ایکشن لیا اے؟ڈی جی پی ٹی اے نے عدالت نوں دسیا کہ ٹک ٹاک انتظامیہ دے نال دوبارہ مسئلے نوں چکیا اے۔ ٹک ٹاک نے فوکل پرسن وی ہایئر کیتا اے۔ پی ٹی اے ولوں عدالت نوں دسیا گیا کہ جتنا وی غیر اخلاقی مواد اپلوڈ ہووے گا ایہناں نوں ویکھاں گے۔ ایہدے اتے چیف جسٹس نے آکھیا اے کہ چنگے تے برے وچ تفرق کرن دا نظام ہونا چاہیدا اے۔ پی ٹی اے ایکشن لوے گی تے اینج دی ویڈیوز اپلوڈ نہیں ہویا کرن گیاں۔پشاور ہائی کورٹ نے11 مارچ نوں پابندی لگائی سی۔





















