نذیر چوہان قبضہ مافیا دا سرغنہ، وزیر اعلیٰ نوٹس لین

پی ٹی آئی کے ایم پی اے نے اختیارات کا ناجائز استعمال کیتا، لاہور پریس کلب دے سامنے متاثرین دا مظاہرہ

پریس ریلیز
پی ٹی آئی دے ایم پی اے نذیر چوہان دے خلاف پریس کلب دے سامنے رہائشی پلاٹس اُپر نا جائز قبضہ کرن دے خلاف مظاہرہ کیتا گیا۔ مظاہرین وچ متاثرہ رہائشیاں دی وڈی گنتی نے رَلت کیتی جنھاں اپنے ہتھاں وچ نذیر چوہان دے خلاف احتجاجی بینرز وی پھڑے ہوئے سَن تے انصاف واسطے دہائیاں دے رہے سَن۔
مظاہرین نے الزام لایا کہ نذیر چوہان اپنی پوزیشن دا ناجائز استعمال کر کے لوکاں دی زمیناں اُتے ناجائز قبضہ کر رہیا اے۔ متاثرین نے اعلیٰ حکام وزیراعظم پاکستان ،آرمی چیف تے وزیراعلیٰ پنجاب توں مَنگ کیتی اے کہ انصاف دِتا جائے تے پی تی آئی دے ایم پی اے نذیر چوہان جیسے جہے قبضہ مافیا توں جان چھڑائی جائے۔
پی ٹی آئی دے ایم پی اے نذیر چوہان جو اشرفی ٹائون دا نواں مالک اے انتہائی اوچھے ہتھکنڈیاں تے اُتر آیا اے تے اپنے مد مقابل کنگز ٹائون دی ساکھ نوں نقصان اپڑان تے بد نام کرن دی مذموم کوشش وچ ہر قدم چُک رہیا اے۔

نذیر چوہان نے اشرفی ٹائون جو کہ الکریم سٹی دے نام توں بنایا جا رہیا اے اوتھے انتظامیہ ، کرائے دے غنڈیاں تے پرائیویٹ گارڈز نال رَل کے رہائشی پلاٹس اُتے ناجائز قبضہ کیتا، ایہدے خلاف رہائشیاں نے وڈی تعداد وچ مظاہرہ کیتا اے تے متاثرین نے وزیر اعظم
تے وزیر اعلیٰ پنجاب توں اپیل کیتی سی کہ اوہناں نوں نذیر چوہان وَرگے قبضہ مافیا توں نجات دوائی جائے۔ مظاہرین نوں دھمکائون اور منتشر کرن واسطے نذیر چوہان نے حکومتی وسائل دا نا ناجائز استعمال وی کیتا۔ مظاہرین چیکدے رہے کہ ساہنوں پر امن احتجاج دی اجازت دِتی جائے جد کہ ایہدے جواب وچ پولیس نے لوکاں نال بد تمیزی کیتی تے صحافیاں نوں اوہناں دے فرض دی ادائیگی توں وی روکیاگیا۔