صرف دوبارہ الیکشن ہی نہیں‘ ووٹ چوری دا حساب دینا پئے گا :مریم نواز

لہور(پنجابی میڈیا گروپ)مسلم لیگ نون دی نائب صدر مریم نواز نے آکھیا اے کہ صرف ری الیکشن دے نال گل نہیں بنے گی‘ ووٹ چوری کرن دا حساب دینا ہووے گا ۔پچھلے وزیراعظم میاں نوازشریف دی دھی مریم نوازنے ٹویٹر اتے اپنے پیغام وچ آکھیا اے کہ ثابت ہوگیا وزیراعظم عمران خان تے ایہدی جعلی سرکار نے ڈسکہ دے عوام دے ووٹ اتے ڈاکہ پایا۔ صرف ری الیکشن دے نال گل نہیں بنے گی۔ الیکشن کمیشن دے عملے نوں اغوا تے ووٹ چوری کرن دا حساب دینا ہووے گا۔ اوہناں نے مزید آکھیا کہ مسلم لیگ ن دے سارے شیراں نوں مبارکباد جہنا ں نے نہ صرف ووٹ چور ٹولے دا ڈٹ کے مقابلہ کیتا بلکہ اپنے ووٹ اتے پہرہ وی دتا۔ نائب صدر مسلم لیگ ن نے آکھیا شاباش ڈسکہ والو،شاباش ! شاباش نوشین ۔

اپنا تبصرہ گھلو