وزیراعظم نے محمد بن سلمان دی دورہ سعودی عرب دی دعوت قبول کر لئی

اسلام آباد( پنجابی میڈیا گروپ) وزیراعظم عمران خان نے سعودی ولی عہد محمد بن سلمان دی دورہ سعودی عرب دی دعوت قبول کر لئی۔ ترجمان دفتر خارجہ زاہد حفیظ چودھری نے ہفتہ وار میڈیا بریفنگ دیندیاں آکھیا نویں ہارٹ آف ایشیا وزارئے خارجہ کانفرنس تاجکستان وچ ہوئی جہدے وچ وزیر خارجہ شاہ محمود نے افغان معاملے دے پرامن حل تے پاکستان دا موقف پیش کیتا تے شرکاء نوں دسیا افغان معاملے دا حل مذاکرات نیں، وزیر خارجہ نے ایران، ترکی، آذرئیجان تے افغان صدور نال ملاقات کیتی تے افغان امن عمل دے حوالے نال آگاہ کیتا۔ زاہد حفیظ چودھری نے دسیا کہ وزیراعظم عمران خان نال سعودی ولی عہد محمد بن سلمان کی فون تے گل ہوئی تے ولی عہد نے وزیراعظم نوں دورہ سعودی عرب دی دعوت دتی جہڑی اوہناں نے قبول کرلئی۔ ترجمان دفتر خارجہ نے آکھیا بھارتی قابض فورسز نے دو ہفتیاں وچ ہور چھ کشمیری شہید کر دتے، پاکستان ماورائے عدالت تے نام نہاد سرچ آپریشن دی مذمت کردا اے، بھارتی اقدامات عالمی قوانین دی خلاف ورزی نیں، پاکستان کشمیر وچ ماورائے عدالت قتل دی جوڈیشل انکوائری دا مطالبہ کردا اے۔

اپنا تبصرہ گھلو