کورونا ویکسین ہن پاکستان وچ وی تیار ہووے گی
اسلام آباد(ـ پنجابی میڈیا گروپ) پاکستان دی مقامی دوائی بناون والی کمپنی دا ویکسین دی تیاری لئی چینی کمپنی نال معاہدہ طے ہو گیا۔ مقامی دوائی بناون والی کمپنی سرل فارما سوٹیکل پاکستان دا کہنا اے ویکسین دے پہلے تے دوجے ٹرائل وچ کامیابی دے نتائج زبردست رہے جد کہ تیسرے مرحلے وچ 20ہزار توں ودھ بندیاں تے ویکسین دا اثر تے ایہدی افادیت نوں جانچیا جائے گا۔ ویکسین ٹرائل دے تیسرے مرحلے وچ کئی ملکاں نوں شامل کیتا گیا اے۔ کمپنی دے مطابق ااوہنے لیوزون مفارم دے نال کورونا ویکسین دی لائسنسنگ تے سپلائی دا معاہدہ کیتا اے جہدے تحت مقامی دوائی بناون والی کمپنی کورونا ویکسین پاکستان وچ تیار وی کرے گی۔ مقامی دوائی بناون والی کمپنی نے ایہ معلومات پاکستان سٹاک ایکسچینج نوں فراہم کیتیاں نیں۔
Load/Hide Comments





















