چینی اسکینڈل کیس :جہانگیر ترین تے علی ترین دی عبوری ضمانت منظور
لہور( پنجابی میڈیا گروپ) ایڈیشنل سیشن تے بینکنگ عدالتاں نے چینی اسکینڈل کیس وچ جہانگیر ترین تے علی ترین دی عبوری ضمانت منظور کرلئی۔
میڈیا دے مطابق لہور دی ایڈیشنل سیشن عدالت نے چینی اسکینڈل کیس دی سماعت کیتی۔ جہانگیر ترین تیاوس دے بیٹے علی ترین ولوںموقف اختیار کیتا گیا کہ اوہ بے قصور نیں تے اوہناں دے خلاف حقائق دے برعکس مقدمہ درج کیتا گیا۔ اوہ تفتیشی متعلقہ اداریاں نال ہر قسم دا تعاون کرن لئی تیار نیں، اوہناں دی ضمانت منظور کیتی جائے ، عدالت نے موقف سنن توں بعد جہانگیر ترین تے علی ترین دی10اپریل تک عبوری ضمانت منظور کر لئی۔
ایس دے علاوہ لہور دی بینکنگ کورٹ نے وی جہانگیر ترین تے علی ترین دی عبوری ضمانت پنچ، پنچ لکھ روپے دے مچلکلیاں دے عوض منظور کرلئی اے۔ عدالت نے ایف آئی اے نوں دوناں ملزماں نوں7اپریل تک گرفتار کرن تکروک دتا جد کہ آئندہ سماعت اُتے ایف آئی اے توں وی ریکارڈ منگ لیا ۔





















