امریکا ایران توں غیرقنونی پابندیاں فوری ختم کرے، چین

بیجنگ( پنجابی میڈیا گروپ) چین نےآکھیا اے کہ ایران توں غیر قنونی پابندیاں نوں فوری ختم کر کے امریکا فیر توں عالمی جوہری معاہدے دا حصہ بن جائے تے خیرمقدم کراں گے۔عالمی خبر رساں ادارے دے مطابق چین دے وزارت خارجہ دے ترجمان ہوا چونئینگ نے آکھیا اے کہ امریکا نے عالمی جوہری معاہدے توں اک طرفہ طور اُتے دستبردار تے ایران اُتے پابندیاں عائد کرکے خطے وچ کشیدگی
ودھا دتی اے۔ترجمان چینی وزارت خارجہ نے امریکا دی عالمی جوہری معاہدے وچ واپسی بارے ایرانی حکام تے وائٹ ہاوس انتظامیہ دے درمیان ہون والے مذاکرات دا خیر مقدم کردیاں ہوئیاں مطالبہ کیتا کہ امریکا ایران اُتے عائد پابندیاں ختم کرے۔

اپنا تبصرہ گھلو