وزیراعلیٰ سندھ مراد علی شاہ نے نویں مردم شماری دا مطالبہ کر دتا
کراچی: وزیراعلیٰ سندھ سید مراد علی شاہ نے آکھیا اے 2017ء دی مردم شماری تے چاراں صوبیاں نوں تحفظات نیں، نویں مردم شماری دا اعلان کیتا جائے۔ کراچی وچ میڈیا ٹاک کردیاں اوہناں دا کہنا سی ٹیکساں دی وصولیاں دا سارا نظام وفاقی حکومت کول اے۔ وفاق نے صوبیاں نوں دتا کیہ اے؟ وفاق ریونیو کلیکٹ نہیں کر سکدا تے ساڈے حوالے کر دیوے۔ کورونا وائرس دی صورتحال تے گل کردیاں مراد علی شاہ نے آکھیا کجھ علاقیاں وچ عالمی وبا بہت پھیل چکی اے۔ ایہنوں مدنظر رکھدیاں ہویاں انٹرسٹی ٹرانسپورٹ نوں فوری بند کرنا چاہیدا اے، پر اجے وفاق ایس اہم معاملے تے کوئی فیصلہ نہیں کر سکی اے۔ اوہناں دا کہنا سی مشترکہ مفادات کونسل دے اجلاس وچ اسیں پانی دا مسئلہ وی چکیا سی۔ وزیراعظم نے یقین دہانی کرائی سی کہ ایس معاملے تے اگلے سی سی اجلاس وچ گل کیتی جائے گی۔
Load/Hide Comments





















