وزیراعظم عمران خان دا دورہ گلگت بلتستان ، نواں شیڈول ترتیب
اسلام آباد: وزیراعظم عمران خان 12اپریل نوں گلگت بلتستان دا دورہ کرن گے۔ وفاقی وزیراں اسد عمر، علی امین گنڈا پور تے سید امین الحق وی نال ہون گے۔ خیال رہے موسم دی خرابی پاروں 5اپریل نوں وزیراعظم گلگت بلتستان نہیں جا سکے سن۔ ہن 12اپریل نوں وزیراعظم عمران خان، وزیراعلیٰ سیکرٹریٹ وچ منعقدہ ہون والی مرکزی تقریب وچ شریک ہون گے۔ وزیراعظم دی گلگت بلتستان کابینہ ارکان تے دوجے حکام نال ملاقاتاں وی شیڈول وچ شامل نیں۔ وزیراعظم نوں گلگت بلتستان نوں صوبے بنان دی قانون ساز اسمبلی دی قرارداد تے بریفنگ دتی جائے گی۔ عمران خان گلگت بلتستان لئی 275ارب دے تاریخی پیکیج دا وی اعلان کرن گے۔ ایہدے علاوہ انفراسٹرکچر، سیاحت، توانائی تے سوشل ویلفیئر دے فروغ لئی وی پروگراماں دا وی فیصلہ کیتا جائے گا۔
Load/Hide Comments





















