جہانگیر ترین نے قنونی طور تے عدالتاں دا راہ اختیار کیتا، یقین اے اوہ سرخرو ہون گے: فردوس
لہور: فردوس عاشق آکھیا اے عمران خان نے اپنے قریبی ساتھی نوں وی تحفظ نہیں دتا۔ ایہ وزیراعظم دے بلاامتیاز احتساب دی عملی تصویر اے، جہانگیر ترین نے قنونی طور تے عدالتاں دا راہ اختیار کیتا، یقین اے اوہ سرخرو ہون گے۔ معاون خصوصی اطلاعات پنجاب فردوس عاشق نے لہور وچ میڈیا نال گل کردیاں آکھیا ریاست مدینہ بنان دے عہد وچ کوئی اپنا یا پرایا نہیں، ماضی وچ اپنے حواریاں نوں سرکاری چھتری وچ تحفظ دتا جاندا سی، نویں پاکستان وچ وزیراعظم دے قریب ترین ساتھی تے جدوں انگلی اٹھی تے عمران خان نے سرکاری چھتری تے تحفظ نہیں دتا۔ اوہناں دا کہنا سی کسے سیاسی یتیم دے بیان تے تبصرہ نہیں کراں گے، دوجیاں دے سہاریاں تے سیاست کرن والی کنیزاں تے انج وی ترس آ رہیا اے۔ فردوس عاشق آکھیا لہور ہائیکورٹ دے حکم دے مطابق چینی دے ریٹ مقرر کرن دی حکومت نوں ذمہ داری دتی گئی اے، اپوزیشن نے بھی اوہی چینی استعمال کرنی اے، اپوزیشن ساڈی عوام دوست پالیسی تے تنقید کرن دی بجائے ساڈی حوصلہ افزائی کرے۔ عوام دی سہولت کاری ساڈی اولین ترجیح اے۔





















