حکومت نے ایچ ای سی نوں تباہ کرکے رکھ دتا: احسن اقبال
اسلام آباد: مسلم لیگ (ن) دے رہنما احسن اقبال دا کہنا اے حکومت نے ہائر ایجوکیشن کمیشن (ایچ ای سی) نوں تباہ کرکے رکھ دتا اے۔ ایچ ای سی بارے جاری ہون والے صدارتی آرڈیننس تے ردعمل دا اظہار کردیاں احسن اقبال دا کہنا سی 2013وچ حکومت وچ آئے تے ایچ ای سی تباہ حال ملیا، ایچ ای سی دا 13ارب روپے دا بجٹ ن لیگ دی حکومت نے ودھا کے 46ارب روپے کیتا۔ اوہناں دا ہور کہنا سی بدقسمتی نال اج ساڈی یونیورسٹیاں نوں تباہ کیتا جا رہیا اے، موجودہ حکومت نے ایچ ای سی نوں وی تباہ کرکے رکھ دتا اے۔ صدر مملکت ولوں ایچ ای سی بارے جاری آرڈیننس وچ آکھیا گیا اے ایچ ای سی دے سارے فیصلے وزارت تعلیم دی منظوری نال مشروط ہون گے تے چیئرمین ایچ ای سی دی تعیناتی 2ورھے جد کہ ارکان دی تعیناتی 4ورھے لئی ہووے گی۔
Load/Hide Comments





















