انسانیت لئی سبھ توں وڈا چیلنج کورونا وائرس اے ‘یوسف رضا گیلانی

اسلام آباد( پنجابی میڈیا گروپ) اسلامی تعلیمی تے سائنسی آئی سی ای ایس سی او نے “وبا دے بعد، عالم اسلام دا تصور، اک بین تہذیبی ڈائیلاگ ” دے عنوان دے نال اک سمینار دا انعقاد کیتا۔ کرونا وائرس دے باعث درپیش مسائل تے مستقبل دی حکمت عملی اتے وچار کیتا تا کہ مستقبل وچ ایس طرحاں دے وبائی امراض تے ایہناں دے اثرات دا مقابلہ کرن لئی مشترکہ طور تے من صوبیاں نوں اگے ودھایا جا سکے۔ آئی سی ای ایس سی او دے ڈائریکٹر جنرل ڈاکٹر سلیم مالک نے پچھلے وزیراعظم تے سینیٹ وچ قائد حزب اختلاف سید یوسف رضا گیلانی نوں جی آیاں نوں آکھیا ۔ ڈاکٹر سلیم مالک نے اسلامی دنیا دے وچکارتعاون لئی یوسف رضا گیلانی دی سفارشات نوں سراہیا۔یوسف رضا گیلانی نے اپنے خیالات دا اظہار کردیاں ہویاں آکھیا اے کہ دوجی جنگ عظیم دے بعد انسانیت لئی سبھ توں وڈا چیلنج کرونا وائرس اے ‘کرونا وائرس دی وجہ توں لوکائی دی صحت دے نال نال پوری دنیا دے لوکائی دی معاشرتی تے مماشی زندگی وی متاثر ہوئی اے۔ ڈیپارٹمنٹ آف ڈائیلاگ اینڈ ثقافتی تنوع دے ڈائریکٹر سفیر خالد فطر الرحمن تے آئی سی ای ایس سی او دے مواصلاتی دی ماہر ڈاکٹر سدرہ طارق جمیل نے قائد حزب اختلاف سید یوسف رضا گیلانی دے وژن نوں سراہیا تے ایہناں دے تعاون اتے اُیہناں دا شکریہ ادا کیتا۔ دنیا دے نامور مقررین نے ایس ویبنار وچ حصہ لیا جہناں وچ پروفیسر جان ایسپورسیٹو، پروفیسر مائک ہارڈی ، پروفیسر کرس ایلڈن، پروفیسر مصطفی عزیز، ڈاکٹر مائیکل بیری، قائداعظم یونیورسٹی دے وائس چانسلر ڈاکٹر محمد علی، پروفیسر یحییٰ کمالی پور تے پروفیسرفینگ ڑائووئی شامل سن۔

اپنا تبصرہ گھلو