رمضان المبارک:یوٹیلیٹی سٹوراں توں 19شیواں رعایت ملن گیاں
اسلام آباد( پنجابی میڈیا گروپ) یوٹیلیٹی اسٹوراں تے رمضان ریلیف پیکیج دا آغاز 10 اپریل توںشروع ہورہیا اے۔یوٹیلیٹی اسٹوراں دے اعلامیے وچ دسیا گیا اے کہ رمضان ریلیف پیکیج دا آغاز 10 اپریل توں ہووے گا، جہدے تحت عوام الناس نوں روزمرہ استعمال دی 19 ضروری شیواں رعایتی ریٹ تے فراہم کیتی جاون گیاں، جدکہ یوٹیلیٹی اسٹوراں تے 1500 توں ودھ شیواں تے وی رعایت دتی جائے گی، تے ایہ ریلیف پیکیج ملک بھر وچ قائم 4,881 اسٹوراں تے نافذالعمل ہووے گا۔اعلامیے وچ دسیا گیا اے کہ رمضان پیکیج دے تحت 20 کلو آٹے دا تھیلا 800 روپے دا ملے گا، چینی 68 روپے فی کلو تے گھیو 170 روپے فی کلو دی رعایتی قیمت تے دستیاب ہووے گا، چاء دی پتی تے50 روپے فی کلو رعایت دتی جائے گی، جد کہ سفید چنے تے فی کلو 15 روپے، دالاںتے 15 توں30 روپے فی کلو، کھجوراں فی کلو 20 روپے، چاول تے10 توں12 روپے، بیسن تے 20 روپے فی کلو تے مصالحہ جات تے 10 فیصد رعایت دتی جائے گی۔





















