مہنگا گوشت ویچن اُتے34قصاب گرفتار
پشاور(پنجابی میڈیا گروپ ) محکمہ خوراک نے مہنگے داماں گوشت فروخت کرن اتے 34 قصاباں نوں گرفتار کرلیا۔ وزیر اعلیٰ دے مشیر برائے خوراک میاں خلیق الرحمان تے سیکرٹری محکمہ خوراک خوشحال خان دی ہدایت اتے راشننگ کنٹرولر پشاور آفتاب عمر دی نگرانی وچ اسسٹنٹ فوڈ کنٹرولرز تسبیح اللہ تے واجد علی نے پری رمضان آپریشن دے دوران ریگی ‘ پیر بالا ‘ مچنی گیٹ ‘ نوتھیہ ‘ گلبرگ تے حیات آباد دے مختلف علاقیاں وچ قصاباں دی دکاناں وچ نرخاں بارے آگاہی حاصل کیتی تے صفائی دی صورتحال دا جائزہ لیا ۔ گوشت اتے جالیاں نہ پان تے سرکاری نرخنامے توں تجاوز کرن اتے محکمہ خوراک دے افسران نے برہمی دا اظہار کردیاں ہویاں 34 قصاباں نوں گرفتار کرلیا جہناں دے خلاف متعلقہ تھانیاں وچ مراسلے جمع کردتے ۔ راشننگ کنٹرولر پشاور آفتاب عمر نے میڈیا دے نال گل بات کردیاں ہویاں آکھیا اے کہ اشیائے خوردونوش دے نال وابستہ تاجر اپنا قبلہ درست کرلین بصورت دیگر ایہناں دے خلاف سخت کارروائی عمل وچ لے آئی جاوے گی۔





















