سکولاں دی بندش مشکل فیصلہ اے: شفقت محمود
اسلام آباد(پنجابی میڈیا گروپ)وفاقی وزیر تعلیم شفقت محمود نے آکھیا اے سکولاں دی بندش ساڈے لئی بہت مشکل فیصلہ اے، آن لائن تدریس دا سلسلہ جاری اے پر کلاساں کے اندر تعلیم دا کوئی نعم البدل نہیں اے۔ وزیر تعلیم نے ایہ گل اسلام آباد وچ ایک تقریب نال خطاب کریاں کہی۔ شفقت محمود دا کہنا سی اسیں قومی تے بالاں دے مفاد وچ فیصلے کر رہے آں۔ اسیں رل کے ایس آفت دا مقابلہ کراں گے۔ اوہناںدا کہنا سی چیلنجز اجے تک موجود نیں، ایہناں توں سیکھیا وی اے۔ کورونا دی تیسری لہر بہت وڈا چیلنج اے۔ سارے صوبیاں نے تعلیم دے میدان وچ متفقہ فیصلے کیتے۔ پچھلے ورھے بالاں نوں پاس کرن لئی اک فارمولا بنایا گیا سی۔خیال رے پچھلے دناں شفقت محمود نے اک ٹویٹ وچ آکھیا سی امتحانات بارے فیصلہ حتمی اے، طلبہ امتحانات دی تیاری لئی سخت محنت کرن۔
Load/Hide Comments





















