سرکار دا فوری طور تے نویں مردم شماری کران دا فیصلہ
اسلام آباد( پنجابی میڈیا گروپ)وفاقی وزیر منصوبہ بندی اسد عمر آکھیا اے ایس ورھے ستمبریا اکتوبر وچ نویں مردم شماری دا عمل شروع ہو جائے ا جہڑا 2023تک پورا کرلیا جائے گا۔ اسد عمر نے میڈیا نوں بریفنگ دیندیاں آکھیا 2017ء دے مردم شماری تے بہت سارے سوالیہ نشان نیں، پر ایہدے نتائج جاری کرن دا فیصلہ کیا گیا اے، نال ای ایہ فیصلہ وی ہویا کہ اگلی مردم شماری فوری بنیاد تے کرانی اے، دنیا دے بہترین طریقہ کار نال اگلی مردم شماری کراواں گے جہدے وچ سارے صوبیاں تے سول سوسائٹی نوں رلت دتی جائیگی۔ اسد عمر نے آکھیا چھ توں اٹھ ہفتے وچ ایہدا بنیادی فریم ورک تیار ہو جائے گا، ستمبر یا اکتوبر تک نویں مردم شماری شروع ہو جائے گی، 18مہینے دا عمل 2023دے شروع وچ پورا ہو جائیگا، اگلے الیکشن نویں مردم شماری تے ہون گے جہدے توں پہلاں حلقہ بندی وی کرائی جا سکے گی۔ اسد عمر نے 2017دی مردم شماری تے سندھ سرکار دے اعتراضات بارے آکھیاایہ کم اوسے صوبائی حکومت دی نگرانی وچ ہویا جہنے اج فیصلے دی مخالفت کیتی جہڑے وی رزلٹ مردم شماری دے آئے ایہدے وچ صوبائی حکومتاں دی مکمل شمولیت سی، نہ صوبے وچ نہ وفاق وز اوس ویلے تحریک انصاف دی حکومت سی، جے ایس مردم شماری نوں نہیں من دے تے کیہ 1998تے چلے جائیے۔





















