عمر اکمل دی 42لکھ 50ہزار جرمانہ معافی دی عرضی رد

لہور( پنجابی میڈیا گروپ)پاکستان کرکٹ بورڈ (پی سی بی) نے ٹیسٹ کرکٹر عمر اکمل دی 42لکھ 50ہزار روپے جرمانہ معافی دی عرضی رد کر دتی تے ادائیگی قسطاں وچ وی کرن توں انکار کر دتا۔ جارح مزاج بلے باز عمر اکمل نے عالمی ثالثی عدالت ولوں لاگو42لکھ 50ہزار روپے جرمانے دی معافی یا قسطاں کرن دی عرضی پی سی بی نوں جمع کرائی۔ قومی بیٹسمین نے ٹیکس ریٹرن تے بینک اکاؤنٹ تفصیلات جمع کروائیاں جہدی جانچ پڑتال مگروں عرضی رد کر دتی گئی۔ عمر اکمل دی سزا پوری ہو چکی جد کہ جرمانے دی ادائیگی تے ری ہیب پروگرام پورا کرن دے بعد ای اوہ کرکٹ کھیڈن دے اہل ہون گے۔