ن لیگ دی پارلیمانی پارٹی اجلاس، سروسز ایکٹس تے بعض لیگی ارکان دے تحفظات

اسلام آباد: مسلم لیگ ن دی پارلیمانی پارٹی اجلاس دی اندرلی کہانی ساہمنے آ گئی، سروسز ایکٹس تے بعض لیگی ارکان نے تحفظات دا اظہار کیتا۔ وسیلیاں دے مطابق مسلم لیگ ن دی پارلیمانی پارٹی اجلاس وچ گرما گرما بحث مباحثہ ہویا، میاں جاوید لطیف ، ڈاکٹر عباد الرحمان سنے دوجے ارکان نے پارٹی موقف توں اختلاف کیتا۔

خواجہ آصف دا کہنا سی پارٹی اراکین قیادت دے فیصلے دے پابند نیں۔ جہدے تے لیگی ارکان نے سوال کیتا ووٹ نوں عزت دیو دے نعرے دا کیہ ہویا۔ ایہدے تے خواجہ آصف آکھیا شہباز شریف تہاڈے سوالاں دا جواب آپ آ کے دین گے۔

اودھر قومی اسمبلی وچ آرمی ، فضائیہ تے نیوی ایکٹ ترمیمی بل کثرت رائے نال منظور کر لیا گیا، پیپلزپارٹی تے مسلم لیگ ن نے بل دی حمایت کیتی جد کہ جے یو آئی تے جماعت اسلامی نے حصہ نہیں لیا۔ بلاں دی منظوری دے بعد اجلاس بدھ دی شام چار وجے تک ملتوی کر دتا گیا۔