نیب : انتقامی ادارہ بن چکیااے: رانا ثنااللہ
لہور(پنجابی میڈیا گروپ)رانا ثنا اللہ نے آکھیا اے کہ نیب چھان بین نہیں انتقامی ادارہ بن چکیا، وزیراعظم تے شہزاد اکبر نیب نوں کنٹرول کر رہے نیں۔شہبازشریف اتے اک روپے دی کرپشن وی ثابت نہ ہو سکی۔ پاکستان مسلم لیگ نون دے رہنما رانا ثنا اللہ نے میڈیا دے نال گل بات کردیاں ہویاں آکھیا اے کہ نیب پنجا ب دے اک وی منصوبے وچ شہبازشریف اتے کرپشن دا الزام ثابت نہیں کرسکیا۔ تن سال توں روا رکھے جان والا ظلم ہن مٹے گا۔آٹا‘ چینی چوراں نے عوام دی زندگی جیرن کردتی اے۔ نااہل ٹولے توں چھٹکاراپانا ناگزیر ہوگیا اے۔ سرکار نے قوم دا اخلاق تے سیاسی روایات وی چوری کیتیاں۔ ایس ٹولے نوں ہر قیمت اتے ملک توں دور ہونا چاہیدا اے۔ پچھلے صوبائی وزیر قانون رانا ثنا اللہ ہوراں داآکھنا سی کہ شہبازشریف نے نیک نیت دے نال پنجاب دی خدمت کیتی۔ اوہناں نے مزیدآکھیا اے کہ اج مسلم لیگ ن، نواز شریف تے شہباز شریف دا بیانیہ سرخرو ہویااے۔





















