فواد صاحب نوں سبھ توں جھوٹے وزیر ہون دا تمغہ ملیا اے ، مریم اورنگزیب
اسلام آباد(پنجابی میڈیا گروپ) پاکستان مسلم لیگ(ن)دی ترجمان مریم اورنگزیب نے وفاقی وزیر فواد چوہدری دے بیان اتے ردعمل دیندیاں ہویاں آکھیا اے کہ فواد صاحب تہان وزارت اطلاعات دوبارہ نہیں ملی بلکہ سبھ توں جھوٹھے ٹے وزیر ہون دا تمغہ ملیا اے ۔مبارک ہووے۔ اپنے بیان وچ مریم نے آکھیا تن سال وچ لوکائی نوں اک گھر نہیں ملیا تے جھوٹھ پچاس لکھ گھر دین دے بولے سن۔ آٹا‘ چینی ‘بجلی ‘گیس ‘دوائی مافیا دی جیبیں گرم کرن دے بعد تعمیراتی مافیا دی سہولت جاری اے۔ تعمیراتی مافیا نوں این آر او تے غریب عوام نوں قرضہ دی اگ وچ جھونکیا جارہیا اے۔ فیئر آکھدے نیں عمران خان گھر دے رہیا اے۔ فوادچودھری صاحب جہناں چند لوکائی نے پی ٹی آئی وں ووٹ دتا ایہد ے اتے اوہ لوکائی شرمندہ نیں۔ مریم اورنگزیب ہوراں نے مزیدآکھیا اے کہ عمران صاحب تہاڈے دور وچ لوکائی گھر دا کرایہ دین دے قابل نہیں رہے۔ قرض کدروں واپس کرن گے۔ عمران صاحب قرض بینک دین گے‘ گھر گروی ہووے گا تساں قوم نوں کیہ دتا؟قرض ‘مہنگائی تے جھوٹھے خواب؟۔





















